我放在大門旁邊既鞋，全部無一倖免，包括一對靴，兩對波鞋，一對懶佬鞋，一對涼鞋同埋兩對拖鞋。
屋企所有去水口既金屬蓋掩都被弟弟咬走，雖然咬唔爛，但令我疲於奔命，有時亦會令到屋企有異味！
至於一直放在電腦檯下面既小地氈，自從移左去狗竇區之後，已經變成千瘡百孔！
有日佢係我身邊坐定定，悠然自得地趴係地咬公仔，於是我都悠然自得地上網，突然眼尾見到個公仔黑卒卒，定神一望，原來係咬緊個相機套, 裡面既相機都已經露左一截出黎！
除左相機，佢對我個老花鏡都好有興趣，終於有一日，聽到我同佢地講左句‘媽媽濕瓶，你地乖乖’之後，佢就開工同我個眼鏡整容勒！
北風起之後，定係亞扁變左色狼之後，家中沙發分成黑白兩道，因為弟弟要跳上沙發至可以溫暖地免去後顧之憂，而上次洗沙發套只係六十天前既事。
無法啦，家教唔好係亞媽無用，孻仔拉心肝丫馬！
